गजल

तस्बिर: पुस्तक मेला लखनऊ, भारत

तिम्रो नाम ओठमै अड्कियो प्यारी, मौन रहूँ कि ?
आँखाभरि तिमी, मनभित्र ज्वारी, मौन रहूँ कि ? 

भन्न खोज्दा शब्दहरू नै डराए जस्तो,
मौनतामै चलेको प्रेम जुहारी, मौन रहूँ कि ?

छुन नपाएको मायाले झन् गहिरो जलायो,
नजिकिँदा टाढा हुने यो विवशता भारी, मौन रहूँ कि ?

तिमी बुझ्छौ भनी चुप लागिरहेँ धेरै,
नबुझिने पीडाको यही जिम्मेवारी, मौन रहूँ कि ?

हामीलाई दुई किनार बनायो समयले,
बिचमै बगिरह्यो सम्झनाको नदी पारी, मौन रहूँ कि ?

भेट अपराध भयो, सम्झना पनि डर,
समाजले तोकेको प्रेमको पहरेदारी, मौन रहूँ कि ? 

तिम्रो नाम ओठमै अड्कियो प्यारी, मौन रहूँ कि ?
आँखाभरि तिमी, मनभित्र ज्वारी, मौन रहूँ कि ?

२०८२ माघ ३ गते (कीर्तिपुर, भाजङ्गल)