चैतन्यको उज्यालो यात्रा

     धनगढीको माटोमा कहिल्यै नसुतेको एउटा सपना छ

त्यो सपना हो चैतन्य,
जहाँ बिहानको घामसँगै ज्ञानको उज्यालो फैलिन्छ,
र साँझ पर्दा पनि संस्कारको दीप निभ्दैन।
यो केवल इँटा र सिमेन्टले बनेको भवन होइन,
यो त समयले गढेको एउटा शैक्षिक तपोभूमि हो।
जहाँ वेदको गहिराइ र विज्ञानको उडान
एउटै आकाशमा संगम हुन्छ।
जहाँ पुस्तकका अक्षरहरू मात्र पढाइँदैनन्,
मानवता, अनुशासन र जीवनको अर्थ पनि सिकाइन्छ।

शिक्षकहरू केवल पाठ पढाउने गुरु मात्र होइनन्,
ज्ञानका साधक हुन्,
व्यवहारका दीप हुन्,
संस्कारका मूर्त प्रतिरूप हुन्।
शिक्षकका शब्दहरू केवल कक्षामा सीमित हुँदैनन्,
बाल मनमा बिउझैँ रोपिन्छन्,
 समयसँगै व्यक्तित्वका वटवृक्ष बनेर उम्रिन्छन्।

विद्यार्थीहरू यहाँ अंकको लागि मात्र दौडँदैनन्,
संस्कारको बाटो हिँड्न सिक्छन्।
विद्यार्थीकोआँखा केवल किताबमा होइन,
भविष्यको विशाल आकाशमा हुन्छ।
यहाँ शिक्षा केवल परीक्षा पास गर्ने साधन होइन,
यो त युगसँग संवाद गर्ने क्षमता हो।

चैतन्यको आँगनमा
पढाइसँगै खेलकुदको जोश छ,
सृजनाको लय छ,
प्रतिभाको उत्सव छ।
कार्यक्रम यहाँ केवल कार्यक्रम मात्र होइनन्,
ती त बाल प्रतिभाका पखेटा हुन्
जसले भविष्यलाई आकाशसम्म उड्न सिकाउँछन् ।
र
चैतन्य आफैं उज्यालो बनेर बसेको छ
यसले अरुलाई पनि उज्यालो बाँडेको छ ।
शैक्षिक सामग्रीदेखि डिजिटल प्रविधिसम्म,
नयाँ विधिदेखि नयाँ सोचसम्म,
आफ्ना अनुभवहरू अरू विद्यालयसँग बाँड्दै
समग्र शिक्षाको बाटोलाई फराकिलो बनाएको छ ।

आज चैतन्य,
धनगढी र देशकै गल्लीगल्लीमा  गुन्जीरहेछ ।
यो केवल शिक्षालय मात्र होइन,

विश्वासको अर्को रूप हो,
गुणस्तरीय शिक्षाको प्रतिज्ञा हो ।

रजत जयन्तीको सुखद क्षणमा
समय आफैं रोकिन खोज्छ
र भन्छ,
पच्चिस वर्षको यो यात्रा
केवल इतिहास होइन,
यो त भविष्यको उज्यालो नक्सा हो।

नेतृत्वको ज्योति उज्यालो,
मार्गदर्शन प्रेरणादायी,
हजारौं सपना गर्वले मुस्कुराउँछन् यहाँ।
ज्ञानको घर,
साझा हृदय,
उज्यालो भविष्यको चैतन्य
जहाँ हरेक मन समेटिन्छ।

चैतन्य शिक्षाको साझा घर बनेको छ
ज्ञानको केन्द्र हो,
संस्कारको धरोहर हो।
र
सबैतिर भनेको सुनिन्छ
धनगढीको आकाशमा
यदि ज्ञानको  सबैभन्दा उज्यालो तारा छ भने
त्यो तारा हो चैतन्य।
जहाँ शिक्षा छ,
संस्कार छ,
वेदको गहिराइ छ,
र 

विज्ञानको उज्यालो छ,
यही संगमको नाम हो 
चैतन्य पाठशाला ।